ازاى نثبت بعد رمضان؟

بسم الله الرحمن الرحيم

كل سنه وانتم طيبين وربنا يتقبل منكم جميعا ويرزقنا الثبات

ف اربع حاجات اساسية لازم نعملها عشان نثبت بعد رمضان ع الطاعة

1-احذر شيطانك

لانه كان محبوس شهر بحالة واكيد عايز يوقعك ف معاصى ومش اى معاصى دا عايز يوقعك ف كبائر عشان يخلص عليك ويحبط نفسيا بالذات ف اول اسبوعين عشان يقولك

انت فاشل _انت مفيش فايدة فيك _انت مش عايز تقرب من ربنا_انت كنت بترائى الناس ف رمضان

كل دة هيقولة ليك ف آية ف القرآن بتقول

(ولقد صدق عليهم ابايس ظنه فاتبعوه الا فريقا من المؤمنين)

ياترى هتخلى ابليس ظنه يصدق فيك

2-اياك والهبوط من الهمةالعالية

انت فاكر احنا عملنا اية ف رمضان

احنا ختمنا وخشعنا وبكينا وقربنا من ربنا احنا صلينا ترويح وتهجد وصلينا الصلاة ف وقتها وكل دة لربنا مش لرمضان

لازم نحافظ ع قدر محدد من الطاعات

هنقرا قرآن ولو قليل

هنذكر ربنا كل يوم ولو قليل

هندعى ولو دقيقة

هنصلى جماعة ولو صلاتين

هنقوم الليل ولو بركعتين بس ولو حتى ف الاسبوع بس اهم حاجة المداومه عليهم

3-عايز ربنا تعرف تقبل منك رمضان ولا لآ

ف اية بتقول

(ياأيها الذين آمنو ا كتب عليكم الصيام كما كتب على الذين من قبلكم لعلكم تتقون)

اية اخبار التقوى

كان عندك ذنوب بتعملها قبل رمضان وبطلتها او بتندم عليها

ابقى الف مبروك ربنا ان شاء الله متقبل منك

اما لو كان ف ذنوب بتعملها قبل رمضان وبتعملها بعد رمضان بكل اسراف

فربنا ان شاء الله يهديك وتبطلها

وتقبل الله منا ومنكم
كل سنه وانتم طيبين
حبيبة الله[/b][/i]

عارف ليه بيجلنا امل دايما ويروح كالعادة عشان فاكرين الطريق الصح مفهوش سعادة

موضوع جميل يا حبيبه تسلم ايدك

موضوع جمييييييل جدا ورائع ويا رب

يثبتنا جميعا على طاعته ورضاه

جزاك الله خير وجعله فى ميزان حسناتك

شكرا حبيبه الله

جزاكى الله كل خير

اللهم اهدنا جميعا الى الصراط المستقيم

موضوع جميل يا حبيبة
جزاك الله خيرا وفى ميزان حسناتك ان شاء الله وكل سنة وانتى طيبة

بسم الله الرحمن الرحيم

كل سنة وانتم طيبين
الموضوع منور بيكم بجد
حبيبة الله
عارف لية بيجلنا امل دايما ويروح كالعادة فاكرين الطريق الصح مفهوش سعادة